Fitjar kommune har to spennande leiarstillingar for deg som vil bidra til framtidsretta forvaltning og berekraftig utvikling. Me ser etter ein engasjert einingsleiar for forvaltning og ein praktisk orientert prosjektleiar for investeringar. Rollene er del av etaten Samfunnsutvikling og drift og byr på faglege utfordringar, heilskapleg ansvar og stort handlingsrom.
Fitjar er ein kommune der folk kjenner kvarandre og ser kvarandre. Me har gode tenestetilbod, engasjerte innbyggjarar og eit næringsliv i vekst. Med variert natur og kort veg til både Bergen og Haugesund, er Fitjar eit godt utgangspunkt for deg som vil ha faglege utfordringar – men også pusterom og utsikt.
Einingsleiar for forvaltning
Bli leiar for ei nyoppretta eining og få ansvar for sakshandsaming, fagutvikling og leiarstøtte innan landbruk, plan, miljø og byggesak. Du inngår i leiargruppa for etaten.
Prosjektleiar for investeringar
Få ansvar for å planleggje og gjennomføre kommunale investeringsprosjekt – frå små tiltak til større bygg. Du får høve til å følgje prosjekta frå idé til ferdigstilling.